Kangan Hota

                          

KASH MAIN TERE HASEEN HATH KA KANGAN HOTA

TU BADE PYAR SE, SHOOK SE, MAN KE SATH,

APNI NAZUK SI KALAI MAIN CHADATI MUJH KO

AUR BAITABI SE FURSAT KE KHIZAAN LAMHON MAIN,

TU KISI SOCH MAIN DOOBI JO GHUMATI MUJH KO

MAIN TERE HAATH KI KHUSHBOO SAY MEHEK SA JAATA,

TU KABHI MODE ME AA KAR MUJHE CHOOMA KARTI

TERE HONTOON KI HIDDAT SAY DEHEK SA JAATA,

RAAT KO JAB BHI TU NEENDOON KAY SAFAR PAR JAATI

MARMARIEEN HAATH KA TAKIA BANAYA KARTI,

MAIN TERAY KAAN SE LAG KAR KAEE BATAIN KARTA

TERI ZULFON KO, TERE GAAL KO CHOOMA KARTA,

JAB BHI TU BAND QABA KHOLNAY LAGTI JAANA

APNI AANKHOON KO TERAY HUSN SAY ZAKHEERA KARTA,

MUJH KO BEITAAB SA RAKHTA TERI CHAAHAT KA NASHA

MAIN TERI ROOH KE GULSHAN ME MEHEKTA REHTA,

MAIN TERE JISM KAY AANGAN ME KHANAKTA REHTA

KUCH NAHI TO YEHI BENAAM SA BANDHAN HOTA,

KASH MAIN TERE HASEEN HATH KA KANGAN HOTA

KASH MAIN TERE HASEEN HATH KA KANGAN HOTA...!!!